Taco-pizza

• 1 taco pönnukaka
• Taco sósa
• Rifinn ostur
• Kjúklingur (eða annað kjötmeti)
• Nokkrir bitar af rauðri papriku
• 2 Sveppir, skornir niður
• 1-2 jalapeno skífur, skornar niður í litla bita
• 1 ananas skífa, skorin niður
• 1 hvítlauksrif, skorin eða pressuð
• Svartur pipar
• Oregano

Ég byrjaði á því að brytja niður tvær bringur af kjúkling og steikti þær uppúr smá olíu og kryddaði með Taco kryddi. Svo setti ég taco sósu á taco-pönnuköku og smá ost yfir til að festa áleggið. Svo setti ég slatta af litlum kjúklingabitum ásamt öllu hinu. Svo setti ég ost yfir og svartan pipar og oregano yfir ostinn, og svo inní ofn á ca 200°C í nokkrar mín, kannski 10 mín. Svo þarf bara að fylgjast nokkuð vel með svo pönnukakan verði ekki of hörð, en það er svakalega gott að hafa hana samt stökka á endunum, ég passa mig að setja enga sósu á endana á pönnukökunni til að gera endana crispy. Ég gerði eitt stykki á mann af þessu og þetta var bara temmilega mikið fyrir okkur bæði, enduðum bæði södd og sæl og horfðum svo á HM meðan við meltum góðgætið ;]

Kannski ég bjóði elsku vinkonum mínum upp á svona þegar ég verð komin í nýju fallegu íbúðina mína í ágúst :] En væntanlega með mismunandi áleggi þar sem allir fíla ekki það sama, engar áhyggjur stelpur mínar :]

Það sem gerir þetta líka enn betra er að taka pizzuna út þegar hún er alveg að verða tilbúin og setja smá mulið Doritos snakk yfir og setja inn í ofn í ca 2 mín eða svo.

Ég ætla þó að byrja á því að viðra þá skoðun mína að ég skil ekki þessa ljósabekkjamenningu hjá fólki. Ég fór í ljós hér á árum áður en eftir að ég fór að spá aðeins meira í hlutunum þá þarf nú ekki að hugsa mikið til að átta sig á því að þetta er stórhættulegt! Ég skil alveg að fólk vilji vera með fallegan lit, en ég skil ekki að fólk skuli enn í dag vera að fara og liggja í grilli í 15-20 mínútur til að fá smá lit á líkamann. Húðkrabbamein er orðið miklu algengara eftir að ljósabekkjanotkun varð að einhverskonar trendi. Og til hvers, til að líta út eins og ofeldaður kjúklingur í mörgum tilfellum og í þokkabót munu margir o koma til með að líta út eins og leðursófasett á sínum eldri árum. Ekki fallegt! En auðvitað verða ekkert allir þannig, en það er samt skelfilegt að sjá fólk þannig.

Ég nota alltaf brúnkukrem og ef ég er að fara eitthvað voða fínt, þá skelli ég mér bara í airbrush degi fyrir stóra viðburðinn :] Það er dýrt að fara í airbrush en það margborgar sig ef maður ætlar að vera voða fínn. Til dæmis fyrir stórar veislur og yfir hátíðar.

Ég hef átt skrilljón tegundir af brúnkukremum. Þau sem ég hef oftast keypt mér eru California Tan og Brazilian Tan. En mér finnst orðið hrikalega vond lykt af California Tan og hún er svo yfirþyrmandi í þokkabót. Síðast þegar ég setti það á fór fékk ég næstum blóðnasir af fnyknum. Er búin að gefast upp á því. Svo finnst mér ég verða eiginlega of kaffibrún af Brazilian Tan. Þannig að ég er komin á það að kaupa alltaf Dove Summer Glow – beauty body lotion.

Ég reyni að setja það á mig annanhvern dag (hinn daginn set ég á mig Elizabeth Arden body cream). Dove lætur mann fá mildan lit á líkamann. Svo er þetta mjög ódýrt og mér finnst aðalkosturinn vera sá að það er ekki yfirþyrmandi eða vond lykt af þessu, eins og af flestum brúnkukremum. Mér finnst frekar góð lykt af þessu.

Ég nota svo sér brúnkukrem fyrir andlitið. Það er frá Nivea og heitir Sun Touch – Self Tan Face Creme. Ég samt set ekki oft brúnkukrem í andlitið. Mér finnst það stífla svitaholurnar. Þannig að þetta er bara svona einu sinni í viku eða svo.

Svo er auðvitað nauðsynlegt að skrúbba líkamann vel áður en brúnkukremsmaraþonið byrjar. Ég nota alltaf grófa hanska úr The Body Shop þegar ég fer í sturtu og skrúbba mig hátt og lágt til að hafa húðina í sínu besta standi og tilbúna fyrir brúnkukremið. Ég hef nokkrum sinnum keypt mér dýrum dómum þar til gerð skrúbb, en þau eru bara svo fjandi dýr yfirleitt og þessir hanskar eru líka ekkert síðri og þar að auki endast þeir töluvert lengur :] Svo er voðalega þægilegt að geta skrúbbað létt yfir andlitið eins og einu sinni í viku með þeim og svo gott rakakrem á eftir :]

Þetta er alveg eðal “greiðsla” fyrir klaufa, eins og t.d. mig. Þetta tekur svona 10 sekúndur þegar maður er búinn að skipta hárinu eins og þarf. Ég tek bara þann bút af hári sem ég vil hafa í snúningnum og restina af hárinu set ég í teygju rétt á meðan svo það sé ekki að þvælast inní.

Svona kemur þetta út:

:]

Ég var eitt sinn módel í keppni á meðal snyrtifræðinga.  Sú sem snyrti mig fékk Íslandsmeistaratitilinn fyrir litun á augnhárum og augabrúnum og vaxi/plokkun á brúnum.  Ég vil bara fara til hennar í lit og plokk. Hún heitir Sigga Gróa og vinnur á Face snyrtistofu á Akranesi.  Ég bý í Reykjavík, en ég geri mér samt fer upp á Akranes til að fara til hennar í lit og plokk, því mér finnst vel þess virði að borga bensín og í göngin til að fá brúnirnar eins og ég vil hafa þær. Ég mæli hiklaust með henni ef þú vilt fá fallegar og vel mótaðar brúnir. Hún er einfaldlega best, eins og Íslandsmeistaratitillinn gefur til kynna!

Ég þríf mér alltaf með volgum þvottapoka á morgnanna og kvöldin. Þegar ég fer í sturtu þá nota ég alltaf Wash-off! frá Nivea. Þetta er hægt að nota bæði til að taka farðann af og til að hreinsa húðina. Þetta er sett á blauta húð og nuddað vel.

Ég nota þetta samt bara einu sinni á dag, aldrei oftar því þetta getur þurrkað húðina, allavega mína. Ég fæ alveg þvílíkt svalandi tilfinningu í húðina á því að nota þetta, svo skemmir ekki fyrir að þetta er frekar ódýrt. Vikulega nota ég svo Clean deeper frá Nivea. Það hentar mjög vel húð sem er blönduð.

Bláu kornin í þessu hjálpa til við að hreinsa svitaholurnar í andlitinu og halda þeim hreinum. Þetta set ég á blauta húðina og nudda vel. Líkt og Wash off! er þetta einnig ódýr en góð vara. Stundum hef ég meira að segja notað sjávarsalt til að hreinsa húðina. Þá bleyti ég bara andlitið og nudda sjávarsalti mjúklega á allt andlitið með hægum hringlaga hreyfingum á lítið svæði í einu og það svínvirkar!

Yfir vetrartímann nota ég alltaf rakakrem á andlitið, því kuldinn þurrkar húðina svo mikið. Ég hef ekki lengur tölu á hversu mörg rakakrem ég hef prófað og borgað morðfjár fyrir og alltaf endað með extra feita húð fyrir vikið og bólur í smettinu. En núna er ég búin að finna krem sem hentar mér mjög vel og það er Hýdrófíl – án olíu frá Gamla Apótekinu. Þetta er einnig mjög ódýrt og mikið magn í hverri túpu sem er auðvitað bara frábært!

Svo er eitt að lokum. Það eru alltof margir sem gera stóran feil þegar þeir setja á sig rakakrem, þeir maka þessu á sig og svoleiðis að drekkja húðinni í því. Það er algjört nónó! Þegar sett er of mikið þá fer rakakremið ekki inní húðina eins og því er ætlað, heldur liggur það bara ofan á andlitinu.

Þegar kemur að rakakremi gildir hin gullna regla; less is more!

Ég verð alltaf voðalega þurr í húðinni eftir bað- og sundferðir og hef alltaf keypt mér body lotion reglulega. En yfirleitt líður mér eins og ég hafi bara verið að maka á mig smjöri og hef því aldrei haldið mig við eitt fyrr en ég prófaði Body Cream frá Elizabeth Arden, með sömu lykt og ilmvatnið hér fyrir ofan. Ég keypti mér stóra dollu og reyni að bera kremið á mig annan hvern dag. Í kreminu eru honey drops sem gera húðina alveg sérstaklega mjúka og svo fær hún fallegan gljáa. Yndislegt.

Ég er einstaklega ánægð með þessar vörur og ætla næst að  að láta einhvern sem ég þekki sem á leið í gegnum fríhöfnina að kaupa þetta fyrir mig, þá sparar maður eflaust einhverja hundrað kalla, jafnvel þúsund kalla!

Það rofar til inn í mér

og lífið tekur lit.

Veit nú hvað gefur mér mest

og tilverunni glit.

Aldrei var sólin svo skær

né fugla fegurri hljóð.

Mér finnst ég skilja í dag

öll heimsins ástarljóð.

Þú fullkomnar mig.

Ég finn að ég er annar en ég var.

Þú ert við spurnum mínum lokasvar.

Lyftir mér upp og lýsir mér leið.

Ég vegsama þig.

Og vonir þínar bind ég aðeins þér.

Í blíðu jafnt sem stríðu fylgdu mér

í huga og hér, ævinnar skeið.

Liðið er grafið og gleymt

og raunir frá í gær.

Loksins ég veit upp á hár

hvað hjartað í mér slær.

Og þó að ég ferðist um lönd

þú ert mín heimahöfn.

Norðljósin skrifa í kvöld

í hvolfið okkar nöfn.

Þú fullkomnar mig.

Ég finn að ég er annar en ég var.

Þú ert við spurnum mínum lokasvar.

Lyftir mér upp, lýsir mér leið.

Ég vegsama þig.

Og vonir mínar bind ég aðeins þér.

Í blíðu jafnt sem stríðu fylgdu mér

í huga og hér, ævinnar skeið.

Aldrei var sólin svo skær

né fugla fegurri hljóð.

Mér finnst ég skilja í dag

öll heimsins ástarljóð.

Til hamingju með daginn ástin mín.

Ég hef aldrei fílað maskara með gúmmibursta þar til ég prófaði þennan, gúmmíið á honum er mjög múkt og raðirnar af gúmmíinu sveigjast – ástæðan fyrir því er sú að þegar hann er settur á þá þarf maður að snúa honum á sama tíma og maður rennir honum eftir augnhárunum. Sumir hafa alltaf vanið sig á að setja maskara þannig á, en það hafði ég ekki. Þessi maskari er ekki gefins, eins og flest allt annað í dag, en hann er svo sannarlega þess virði! Hann endist lengi án þess að þorna. Ég þoli ekki maskara sem þorna eftir tvo mánuði og þessi dugir mun lengur en það!

Hafa verður í huga að þegar maður er að fara að setja á sig maskara á ekki að pumpa hann, þú átt bara að draga maskaraburstann varlega uppúr þegar þú notar hann. Svo þegar hann er farinn að þorna – þá set ég einn dropa af Nive augnfarðahreinsi ofan í og bæti nokkrum dögum við þann tíma sem hann fær að vera í snyrtibuddunni minni.Ég get hiklaust mælt með þessum maskara fyrir hvern sem er!

Til að fullkomna augnlúkkið set ég alltaf á mig þunna línu af eye-liner. Hef hana svo breiðari þegar ég er að fara eitthvað fínt. Ég keypti mér eye-liner um daginn á Tax-Free dögum í Hagkaup og er rosalega ánægð með hann. Að setja hann á er ekkert mál því oddurinn á linernum er eins og túspenni, stífur án þess þó að vont sé að strjúka honum á. Þessi eye-liner heitir Liner Design og er frá Lancôme. Alveg frábær!

Þetta er algjör nautn fyrir mín stuttu og fíngerðu augnhár! Meira að segja hef ég verið spurð að því hvort ég sé með gerviaugnhár þegar ég er með linerinn og maskarann! Eftir að ég fór að nota liner og maskara saman hefur mér verið hrósað mér fyrir hvað ég sé með falleg augu og augnhár, og það þakka ég linernum og maskaranum! =]